Põhjatuul

Lepaseree

||: Mille puhkva põhjatuulõ, :||
||: Lõõdsutava lõunatuulõ, :||
||: Puhkva velle vete pääle, :||
||: Imä latsi lainetellõ? :||
||: Vihmakõnõ vellekene, :||
||: Saarõkõnõ sõsarakõnõ, :||
||: Ära minno hämmetägu, :||
||: Tehku likõs latsekõista, :||
||: Kastku kuiva karjalasta. :||
||: Ole‑i kotu, kon ma kuio, :||
||: Ole‑i tarrõ, kon tahene. :||
||: Ole‑i esä tarre teinu, :||
||: Velli palki veeretanu :||
||: Kodu kuiva kuusõ alla :||
||: Tarõ tammelehe alla. :||
||: Mul ol' väiku vellekene, :||
||: Tinarinda til'lukõnõ. :||
||: Naksi tarre tegemaie, :||
||: Tuanurka nukõrdama. :||
||: Tegi tarõ taivaade, :||
||: Elu ilma veere pääle, :||
||: Maja marjavarrõ pääle. :||
||: Pani kuu korstenassa, :||
||: Hago ette akenassa, :||
||: Päiva pääle katusõssa, :||
||: Pani tähe tii viirde, :||
||: Säiti usse undsõ poole :||